21-F, borina ta ninos y ninas en Zaragoza

Tos remeramos que iste sabado 21 tenez una zita en Zaragoza ta boriniar y ¡pasar-lo de pistón fendo serbir l'aragonés!

Más autibidaz!

Sandiniés, 21-F, documental Ambistas

En Sandiniés tamién remerarán os dreitos lingüisticos d'a poblazión aragonesofablán fendo un repaso a as zagueras decadas de treballo por ista luenga. Ta ixo, os bezins d'o lugar han parau una proyeczión d'o documental Ambistas, de Iris Orosia Campos Bandrés, a las 19:30 en o Bar a Cochata. 

26-F, Taller de Cultura sobrarbense en Plan

En Sobrarbe tamién se ferán autibidaz. O día 26 de febrero, a las 17:30, en a biblioteca monezipal, se ferá un "Taller de cultura de Sobrarbe". 

Contem y cantem en o CRA Alta Ribagorza

Os mesaches y mesachas d'o CRA Alta Ribagorza son treballando asabelo con a suya mayestra Carmen Castán. Una d'as cosas que han parau iste curso, con l'aduya de l'asoziazión Guayén, ye un conchunto de cantas en patués, que interpretarán en as suyas escuelas arredol d'o día d'a luenga mai. Aquí tos dixamos os detalles. 

BENÁS

23 FEBRERO – 14 oras - Mainada de Primaria - en a escuela 

1.- Din dan campanetes de Sinchuán

2.- Quiquiriquí

3.- Pllou, pllou

4.-Toca manetas

5.-De Llire a Arasán

6.- Agón vas?. Ta Gabás

7.-Galino, Galinás

8.-Contam y cantam

9.-Bona nit

10.-Siñó de Espés

(GUAYÉN Y CRA ALTA RIBAGORZA)

SAUNC

24 FEBRERO - 16 oras - Mainada de Primaria - en a escuela 

(GUAYÉN Y CRA ALTA RIBAGORZA)

SARLLÉ

25 FEBRERO - 16 oras - Mainada de Primaria - en a escuela 

(GUAYÉN Y CRA ALTA RIBAGORZA)

CASTILLÓ DE SOS

26 FEBRERO - 14 oras - Mainada de Primaria - en a escuela 

(GUAYÉN Y CRA ALTA RIBAGORZA)

LASPAULS

27 FEBRERO - 14 oras - Mainada de Primaria - en a escuela 

(GUAYÉN Y CRA ALTA RIBAGORZA) 

Cuart d'a Uerba, 20 de febrero - Cosetas d'adentro

L'asoziazión cultural Q-ARTE tamién s'ha quiesto achuntar a la zelebrazión, con a proyeczión d'a pelicula Cosetas d'adentro, de Lola Gracia. Se ferá o bienres 20 de febrero, en as Aulas de Cultura de Cuart d'a Uerba, ("C/ Cabecico Redondo" s/nº, chunto a o trinquete) a las 19:30 oras. 

21 - F, a más gran borina será en Zaragoza!

Como cada añada, a borina más dibertida arredol d'o Día d'a Luenga Mai la feremos en Zaragoza, achuntándonos muita chen que treballamos y femos cosetas por l'aragonés dende l'amostranza en o III Cantar, charrar e chugar. Como siempre, amostraremos bels resultaus d'o nuestro treballo tanto dende a capital aragonesa como dende l'Alto Aragón. Antiparti, bels amigos como Bucardo u Bureo Aragonés bendrán a fer mosica y danzar con nusatros y tamién bi abrá teatro y un omenache a o escritor Santiago Román. 

Y o más importán, ta la fin d'a fiesta d'ista añada contaremos con Pepín Banzo! 

Aquí tos dixamos o cartel con os datos. 

Tamién en a Bal de Benás!

O día 7 de marzo, a las 16:30, en o Salón de la Casa del Llugá de Bilanoba, as donas de l'Asosiasión Donisas ferán una "resitasión de lletras de cansions tradusidas al patués". As cantas serán: "Sonian" (Nana d'o Grupo Folklorico Val d'Echo) y "Imagine" (John Lenon). 

Antiparti, se presentará o treballo "El ome montañés", feito por o equipo de treballo de Donisas con a colaborazión de "els omes montañeses" y que se publicará a la fin d'ista añada. 

Exeya 20-F - Proyeczión d'Ambistas

En Exeya tamién bi abrá una sesión zinematografica ta o día d'a luenga materna. L'asoziazión "Boira - Fablans de Zinco Billas" ha parau ista proyeczión, que se ferá o bienres 20 de febrero en o Zentro Cultural d'o Paseo d'o Muro, a las 20 oras. Tos i asperamos! 

Espezial de "Charradetas y capazos"

Dende Balbastro, Chaime Capablo y o suyo equipo d'o programa "Charradetas y Capazos" son parando un programa espezial ta zelebrar o día d'a luenga mai. Podrez sentir-lo o luns 23 de febrero a las 16:00, a trabiés d'o dial 107.4 u on-line, dentrando en a plana de Radio Somontano:  http://radiosomontano.blogspot.com.es. 

No tos xublidez: 

- Luns 23 de febrero 

- 16:00 oras 

- Radio Somontano (107.4). 

Camille o 21-F en Canfrán

Tamién en Canfrán quieren zelebrar o nuestro día. As asoziazions "Espelungué Fablans Chazetania" y "Rolde O Caxico" han parau a proyeczión d'o documental de Carlos Tarazona: Camille, o zaguer onso d'os perineos. Remera:

- Sabado 21 de febrero 

- 18 oras 

- Zentro A lurte 

7-Marzo en Almudebar, proyeczión de Cosetas d'Adentro

Tamién dentro d'o programa de autibidaz d'o Día d'a Luenga Materna, o Conzello d'Almudébar proyeutará a pelicula de Lola Gracia Cosetas d'Adentro o día 7 de Marzo. 

20 de febrero - Ambistas en Utebo

Tenemos una atra autibidá arredol d'o Día d'a Luenga Mai 2015. Chusto a brispa se proyeutará o documental Ambistas en UTEBO, con a presenzia d'a suya direutora y guionista, Iris Orosia C. Bandrés; y dimpués coloquio. Asinas que, fez memoria: 

20 DE FEBRERO – 19 oras – CENTRO CULTURAL EL MOLINO- Documental AMBISTAS

Programa Trobada Biscarrués 28-F

Ya tenemos o programa probisional d'a Trobada de Fablans d´aragonés de Biscarrués, de o 28 de febrero 

10 h.- Nos achuntamos en o café A Barbacana. Podez aparcar os autos en o campo de dentrada d´o lugar, baxo o bar.

10,30 h.- Gambadeta por O Camin d´o Soto d'o río Galligo ent'o achuntadero d´o Barranco de Baduello (3,5 km)

Comenzipiamos pasando por as nabatas en do esplanicaremos bella mica a traza de fer-las. Beyeremos os rastros de bels bichos como chabalins, melons, fuinas, chinetas, esquiruelos, alforrochos, butres, y si bi ha guaire suerte mesmo bella loira. Tamién charraremos d´as matas e árbols.

12,30 h.- Besita menada por a Ruta d´a Piedra d´o lugar: os siñals espantabruxas, cruzes, ilesia, religadas, estrelas... Tamién prebaremos en ista ronda o pernil y bin d´o lugar.  

14 h.- Chenta en o Bar A Barbacana. 15 € alto u baxo.

17,30 h.- Charrada-audiobisual de paxaricos, piedras, mantas, bichos,...

18,30 h.- Biera

19 h.- Presentazión d´o libro Somontano en Alto de Pedro Arnal Cavero con o suyo autor Alberto Gracia

Ta os que os que s´animen continaremos con chenta de salmorrejo aragonés.   

Bi ha bel leito de baldes y alox en casas rurals ta qui l'agane de conoxer más o río Galligo, os mallos, o Castiello de Lobarre, O camin d´os sentitos... 

Soz toz biemplegaus t'a Galliguera!!!

Contauto ta apuntar-se: Pedro Borau: 629319034 y pedroborau@gmail.com

Más info: www.biscarrues.es